Eguraldia lagun
Goizean zein arratsaldean eguraldia lagun izan dute txapelketako jokalariek. Marian Mellado, Bergara kirol elkarteko saskibaloi saileko arduraduna pozik azaldu da momentuz, txapelketak eman duenarekin. Eskerrak eman nahi izan du antolakuntzan laguntzaile aritu diren guztiei eta babesleen laguntza ere aipatu du.
Saskibaloi egokituaren erakustaldia
Txapelketa honen baitan, baina bihar, igandea, izango da saskibaloi egokituaren erakustaldia. Melladok aipatu du beti dela garrantzitsua saskibaloi egokituan diharduten jokalariak ezagutzea.
Astelehenean, 'Harmailatik' saioan
Hiruko saskibaloi txapelketak eman duena eta protagonista zein antolakuntzako kideen hitzak izango dira ikusgai, astelehenean, hilaren 24an, Harmailatik saioan, 21:30etan eta 23:30etan.
