Botoemaileek 18 urte beteta izan behar dituzte, eta gainera, Angiozarren erroldatuta egon edo/eta bertan bizi (erroldatua egon arren kanpoan bizi direnak ere deituta daude eta bertan bizi baina kanpoan daudenak erroldatuta ere bai).
Guztira hemeretzi batzarkide hautatuko dituzte, eta bakoitzak bere auzoari dagozkion beste ordezkariren izenak jarriko ditu boto-paperean (bakoitzak bere auzokoak bakarrik).
| Auzoak | Batzarkideak |
| Asentzio | 1 |
| Azkuneta | 2 |
| Errekaldea | 2 |
| Goimendi | 2 |
| Kalea | 6 |
| Maindda | 2 |
| Parteitti | 2 |
| Zabaletamendi | 2 |
| Guztira | 19 |
Angiozar bailarako alkatea, ostera, zuzenean aukeratuko dute biztanleek, eta horretarako, batzarkideetatik kanpo emango dute izena, kargu horretarako zein proposatzen duten esanaz.
Alkate izendatze ekitaldia, ostera, San Migel Jaietako domekan egingo dute, urtero legez, meza bukatu ostean; Angiozar Bailarako San Migel Goiaingeruaren elizatean izango da, jendaurrean.
