Solstizio gaua domekan, eta jaiak asteburuan zehar San Juanen eta Elosuan

'Sorginak' suaren bueltan dantzan San Martin plazan, iaz, solstizio gauaren ospakizunetan.

Domekan, San Juan bezpera, solstizio gaua ospatuko dute San Martin plazan (22:30), eta ipuin kontaketa, sorgin dantza eta musika izango dira; San Juan auzoan eta Elosuan, berriz, jaiak ospatuko dituzte zapatutik astelehenera, ohiko egitarauarekin.

Urteko egunik luzeenak eta gaurik motzenak bizi izaten ari garela ospatzeko hainbat ekitaldi izango dira Bergaran ere. Domekan solstizioa gaua ospatuko dute San Martin plazan (22:30); Xaxau jai herrikoien konpartsa duela urte gutxi batzuk hasi zen gau horretarako egitarau xume bat antolatzen eta urtez urte gero eta jende gehiago batzen da plazan.

Suaren bueltan, ipuin kontaketa, sorgin dantza eta musika izango dira, besteak beste: "Dantza, ilargia, ipuina, musika, magia, sorginak, irudimena, eguzkia... sua!". Xaxaukoek bertaratzeko gonbidapena egin diete herritarrei.

Ohikoa San Juanen eta Elosuan

Askoz tradizio luzeagokoak dira San Juango eta Elosuko jaiak. Bihar hasi eta astelehenera arte –San Juan eguna–, askotariko ekitaldiak izango dira bi auzoetan. San Juanen ortu lehiaketa da ekitaldi nagusia; Elosuan, berriz, herri kirolek pizten dute ikusmin handien.

Debagoieneko albiste garrantzitsuak edo azken ordukoak telefonoan jaso gura dituzu?

  • Bidali ALTA 688 69 00 07 zenbakira Whatsapp bidez.
  • Batu zaitez Telegrameko @GoienaAlbisteak kanalera.