Musika eta dantza
Egubakoitzeko ekitaldian dantza tradizionalak ikusteko aukera izango da, baina sormena ere landu da urtean zehar eta horren emaitza ere erakutsiko da agertokian. Musikari dagokionez, zuzenekoa izango da, musikariak, eskolako ikasleak, irakasleak eta gurasoak osatutako taldearen eskutik. Guztira, hamabi abesti izango ditu emanaldiak eta Korrontzi, Gozategi eta Kepa Junkeraren kantuak entzuteko aukera izango da, besteak beste.
Bost urte elkarrekin
Duela bost urte hasi zen Bergarako musika eskola eta dantza taldearen arteko elkarlana eta ordutik, hainbat ekintza egin dituzte elkarrekin, Alizia Musikala eta aratusteei hasiera emateko emanaldia, besteak beste. Musika eskolaren egoitzan gainera, 80 dantzari ari dira gaur egun.