Kultura jaialdia antolatu du EH Bilduk Bergaran. "Hauteskunde kanpainari bukaera kulturala ematea izan da nahia", azaldu du EH Bilduko alkategai Gorka Artolak. Hala, zuzeneko musika izan dute: Bergarako emakume musikariek, Talkak eta Brigade Loco taldeko kideek jarri dute musika. "Herriko eragileekin eta kulturako jendearekin kale ekitaldia egitea nahi izan dugu kanpaina amaitzeko", azaldu du ekitaldi amaieran Artolak.
Herritarren babesa
"Jende asko etorri da ekitaldira, batez ere jende gaztea", nabarmendu du hautagaiak. Hauteskunde kanpainari amaiera emateko "modu ona" izan dela gaineratu du.
Amaieran, luncha izan dute eta "argazki erraldoia" ere egin dute ekitaldira joan diren herritarrekin batera.
