Emakume futbolarien topaleku izango da Agorrosin zapatuan. Futbolean jokatu nahi duten neskak elkartzea da Bergara Kirol Elkartearen asmoa; gainera, Usoa Mendikute ilustratzaileak emakumezkoen futbolerako propio diseinatutako panpina aurkeztuko dute.
Maiatzaren 25ean, zapatua, 11:00etan hasiko dute topaketa. Topaketa edozein adinetako neskei zuzenduta dago; bai bergararrei eta baita inguruko herrietakoei ere. "Futbol talde baten funtzionamendua ezagutu eta kirola egitera animatzeko asmoz daudenei", azaldu dute antolatzaileek.
Hitzaldiak eta jokoa
BKEko emakumezkoen taldeetako entrenatzaileek eta senior mailako jokariek gidatuko dute jardunaldia. Horrez gain, gizonezkoen lehen taldeko jokalariak ere egongo dira. Askotariko ekintzak egingo dituzte jardunaldian: jokatzeko aukera izateaz gain, hitzaldi txikiak ere izango dituzte. Amaitzeko, luntxa izango dute.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak