Bergarako Mariaren Lagundiako Ikastolak urteroko jaia egin du eta ospakizun horren baitan, Euskal Herriko hamabost Gobernuz Kanpoko Erakundeen azoka izan da Espoloian. Azoka honen helburua da erakunde hauen lana herritarrei jakitera ematea. Postu batzuetan gainera, erakundeen produktuak ikusteko eta erosteko aukera egon da, besteak beste, bitxigintzakoak eta arropak. Azokan batutako dirua, erakunde bakoitzak bere proiektuetan lanean jarraitzeko erabiliko du.
Azoka solidarioaz gain, goizean gaztetxoek puzgarriak izan dituzte eta baita ikastolako Bolo Bolo euskara elkarteak antolatutako jolasak ere.Horrez gain, ikastolako ikasle, irakasle zein gurasoek flashmob-a ere grabatu dute bazkariarekin hasi aurretik. Arratsaldean, magia eta musikaren txanda izan da eta jaia, Lagunditxoren igoerarekin amaitu da. Eguraldiak asko lagundu du ikastolaren jaia ospatzeko eta ikasle, guraso zein irakasleek primerako eguna igaro dute.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.