Xaxau jai herrikoien konpartsak jakinarazi duenez, 830 sinadura batu dituzte Udal Gobernuari eskatzeko diru-laguntza handitzea Pentekosteak antolatu ahal izateko. "Herritarrek oso ondo erantzun dute; jendeak komentatu digu ez duela Bergarako jairik txosnagune barik ulertzen, askok hartzen dute beste alternatiba bat bezala". Sinadurok atzo arratsaldean udaletxeko Bergararren Arreta Zerbitzuan erregistratu zituzten.
"Bergarako Xaxau konpartsak urtero, Bergarako Pentekoste jaietan, adin guztiei zuzendutako hainbat emanaldi eta ekintza ezberdin antolatu izan ditu, bai Bideberriko txosna-gunean eta baita herriko kaleetan ere.
Udalak proiektu hau aurrera eraman ahal izateko diru-laguntza eman izan du, baina azken bost urteetan dirulaguntza honek ez du igoerarik izan, ezta KPIren balioa ere.
Hau guztia kontutan hartuta, Xaxau konpartsak Bergarako Udalari ondorengoa eskatzen dio: Bergarako Pentekoste jaiak aurrera eraman eta antolatu ahal izateko Xaxau konpartsak jasotzen duen dirulaguntza kopurua igotzea.
Behin sinadura guztiak batuta, Udalean entregatu eta Udalak erantzun bat eman beharko dio gure eskaerari".
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak
