11:55 aldera izan da jaurtiketa eta ikusle ugari bildu dira Aranzadi Ikastolako patioan, giroa alaitzeko Ikastolako ikasle trikitilari eta pandero joleen laguntza izan dutelarik.
Aragoien lurreratu da
Hiru ordu inguruko bidaia egin dute panpinek eta lurretik 30 kilometro eta 10 metroko diametroa izan du leher egingo duen lekuan. Nafarroako Bardeetan lurreratuko zela aurreikusten zuten eta Bergaratik auto batzuk globoaren atzetik joan dira, lurreratzea ikusi eta pailazoak berreskuratzeko helburuarekin, GPSak bidaliko dien seinalea jarraituta. Azkenean, Sabada eta Ejea artean, Aragoi; Nafarroako mugatik gertu (Argedas, Valtierra, Tutera, Bardeak) lurreratu da.
Astronautekin konexioa
Bestalde, Nazioarteko Espazio Estazioan dagoen astronauta batekin zuzeneko konexioa egingo dute Aranzadi Ikastolako ikasleek. Hian zuzen, hogei galdera egingo dizkiote lurretik 400 kilometroko altuerara dagoen astronauta bati. Horrez gain, gai horren inguruko solasaldi bat eta astro-behaketa publiko bat egiteko asmoa ere badaukate. Xehetasun gehiago webgunean.
