Auzoen arteko harremanak indartzeko helburuarekin Auzoen Arteko Eguna ospatzen ari dira gaur Angiozarren. Egun osoko jaia dute bertan egitarau zabala antolatu baitute. Iaz hasi ziren ekimen honekin, Uberan ospatu zutelarik lehena eta aurten Angiozarren txanda izan da, antolatzaileen asmoa jaia urtero auzo ezberdin batean egitea da.
Goizetik hasi dute jaia umeendako jolasekin. Angiozar Tourraren ostean, berriz, trikipoteoa izan dute Mirari eta Aintzanerekin eta ondoren bazkaria.
Arratsaldean nagusiendako jolasak eta mus eta briska txapelketak izango dituzte eta gauean kontzertuen txanda izango da: Kobrazulo, John Dealer and the Coconuts eta DJ Aldabenaren emanaldiak izango baitituzte.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.