Aste Santuko opor egunen bueltan, herria bera ezagutzeko gonbidapenarekin batera, wolfram goxoa dastatzeko proposamena egin die Bergarako Udalak bereziki kanpotarrei, bideo baten bitartez. Zumelaga eta Lasa jatetxeetan eta Ogi Berri eta Bolintxo okindegietan dasta daiteke 750. urteurrenaren bueltan sortu zuten postre berezia.
"Wolfram goxoa da Bergarako historia, zientzia eta gozogile tradizioa batzen dituen postre berria, Basque Culinary Center-ekin batera sortutakoa. Oraindik ez duzu dastatu?", diote.
Gogora ekarri behar da Laboratorium museoa eta turismo bulegoa zabalik egongo direla egunero: 10:00etatik 14:00etara eta 16:00etatik 19:00etara.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.