Ohikoa den moduan, Jardunek antolatutako Txorimalo Erakusketa egin zuten zapatuan, Erramu Zapatuaren barruan. Aurtengoa, 25. aldia izan da, eta sei taldek parte hartu zuten, 45 bat umek guztira. Zapatuan bertan egin zuten erakusketa.
Saria, txorimaloak eramaten duen euskarazko bertso, esaldi edo lemari ematen diote –30 euro–. Aurtengoan, Euskal Herriko sukaldariak taldeak irabazi du saria Euskara ahoan bai zapore goxoa lemarekin.
Merienda, egindako lana eskertzeko
Erakusketan parte hartu duten gaztetxo guztiekin merienda egingo dute maiatzaren 3an, Oxirondo azokan.
