Otsailean, batez beste, 85 pertsonak jaso zuten egunero zuzeneko arreta eta martxoan, batez beste, 104 herritar izan ziren; batez beste, itxaronaldia zortzi minutukoa izaten da. "Datuak onak dira, baina oraindik goiz da finkatzeko; ziur denborak aurrera egin ahala datu horiek egonkortu eta laburtu egingo direla", dio Udal Gobernuak. Jende gehien astelehenetan eta eguenetan hurbiltzen da eta gehienak goizez gerturatzen dira –10:00etatik 13:00etara–.
Bulego elektronikoa, asteburuak barne
Pilaketak ekiditeko, gogora ekarri dute zuzeneko arretarako ordutegia honako hau dela: astelehenetik egubakoitzera 07:30etik 15:30era, eta eguenetan 16:00etatik 19:00etara ere badago zabalik. Hori bai, Aste Santuko oporretan, apirilaren 15etik 26ra, 07:30etik 14:30era egongo da zabalik eta bi eguen horietan itxita egongo da arratsaldez. Hala ere, hainbat tramite bulego elektronikoan egin daitezke, 06:00etatik 22:00etara, asteburuak barne.