Hori horrela, jarraitzaileen babesa eskatu du entrenatzaileak. Liga amaitzeko bi jardunaldi falta diren honetan, sailkapeneko bosgarren postuan daude bergararrak. "Lau talde sailkatzen dira eta bosgarrenak gara, lau punturen falta. Hiru punturen gorabeheran lau talde gaude", dio entrenatzaileak.
Pulpo izango dute aurkari
Legazpin 25-20 galtzetik dator Soraluce. Bihar, Labegaraietan, Pulpo taldea izango dute aurrean: "Behetik gora datorren taldea da. Gaztea, baina esperientzia duten jokalariekin osatuta dago. Gu, aldiz, ez gara erregular ibili azkenaldian; dugun onena atera beharko dugu partidua aurrera ateratzeko". Gainera, Andoni Elorzaren lesioa izan du taldeak astean.