Gobernuak askotariko lanak ditu aurreikusita gune horretan: oinezkoendako bidea eta bidegorria banatzea –bidegorria trenbidetik joango litzateke–, iraganean egon ziren eraikinen erreferentzia fisikoa egiteko seinaleak eta marrazketa, musika lokalen alboan autoentzat sarbidea eta aparkalekuak jartzea; informazio panelak jartzea; bi ur iturri instalatzea; picnic-erako mahaiak eta jarlekuak ipintzea; umeendako bi jolas gune sortzea; txakurrekin ibiltzeko gune bat; miradore gune bat; komun publikoak; argiteria ezartzea; bizikletendako aparkalekuak; eta zabor-ontziak jartzea.
Milioi erditik gora eta, beraz, faseka
Lan horiek, Gobernuaren arabera, 555.159 euroko lizitazio aurrekontua izango lukete, baina asmoa da lanak faseka egitea. Esandako moduan, lehenengo fasean lurra lau jartzea eta drenajeak egitea; zoladura jartzea; eta umeendako jolas jokoak egin nahi dira. Horretarako, 79.792 euro daude aurreikusita, eta aurten egingo dira. Lan horiei dagokien proiektua AT2 enpresa idazten dabil. "Eremu hau eraldatuta, udalerrian aisialdirako gune berri bat lortuko da", diote.