Bergarak ere egin du bat Arteak Ireki ekimenarekin

Hartu zure kultura espazioa lelo hartuta Arteak Ireki ekimenak martxoaren 23rako Euskal Herri osoan deitu ditu mobilizazioak, eta Bergarako kultura sortzaile batzuk ere batu dira ekimenera. Atzo musikari bergarar batzuk Bule tabernan grabatutako bideo baten bidez iragarri dute zapaturako plana.

13:00etan kalejira musikatua egingo dute San Martin plazatik Irala kalera eta 13:30ean, Iralan bertan, egingo da ekitaldi nagusia:  musika, dantza, arte plastikoak...