Urteetako esperientzia
Mariaren Lagundia ikastetxeak urteetako harremana du Herbehereetako ikastetxe batekin eta elkartrukeak egiten dituzte. Ikasturte honen hasieran, besteak beste, Herbehereetako Warnsveld herritik etorritako 28 ikasle eta 3 irakasle egon ziren DBH4ko ikasleekin. Elkartruke horretan, hainbat ekintza egin zituzten: Bergara ezagutzen lehiaketa, euskal dantzak, talo tailerra, surf ikastaroa, Donostiara irteera, euskarako klasea…
Eleaniztasuna
Ikasleentzat aberasgarria da esperientzia hau, gaur egun eleaniztasunak izugarrizko garrantzia duelako eta horrek, pertsonaren errealizazioa eta garapena lantzea ahalbidetzen duelako. Horrez gain, esperientzia honi esker ikasleek, herrialde bateko kultura, jendea, ohiturak… ezagutzeko eta komunikatzeko ingelesa erabiltzeko aukera ezin hobea izaten dute.
