Espainiako Kopa amaitzeko jardunaldi baten faltan, bertako podiuma ziurtatuta utzi zuen Linazisorok joan den zapatuan. Bergarakoa gaixorik izan zen asteburu osoan Fuenlabradako (Madril) Awesome aretoan egin zuten proban, baina behin katu-oinak jantzi zituenean, inor ez zen Bergarakoaren maila berean egon.
Ez da hirugarren proban egongo
Espainiako Kopako hirugarren proba maiatzaren 11n jokatuko dute, Plasencian (Extremadura). Baina, Linazisoro ez da hitzordu horretan egongo, asteburu berean eskalatzaile bergararra gazte mailako Europako Kopan izango delako.