Bizitzaren bidegurutzeetan bide bat edo bestea hartzeak duen garrantziaren gaineko gogoeta eragiteko gogoz datoz bi pianoren laguntzarekin: "Ez ohikoa den bi pianoren emanaldia entzuteak, gure ustez, nahiko interesa sor dezake baina, horrez gain, horren bizkarrezur, bi pertsonaren hautu desberdinez ari gara. Eta egoera bertsuan edonor egon izan dela, dagoela edo egongo dela adieraztea da saioaren helburu nagusia", adierazi dute proiektuaren sortzaileek. Emanaldiarekin gozatzeko ez dela musikazale itsu-itsua izan beharrik gaineratu dute, eta, bertsozaleak eta literaturazaleak ere gonbidatu dituzte "istorio bat nola osatu duten ezagutzeko".
Rachmaninov, Chopin, Ravel eta Bernsteinen konpositore eta piano-joleen lanei istorio bat gaineratu diote Eta zer gehiago? proiektuko kideek, eta hitzez eta bertsoz kontatuko du hori Andoni Egañak.