Hain zuzen ere, lanean ari direnean euren segurtasuna ber-matu ahal izateko ertzain gehiago behar dituztela aldarrikatu zuten, besteak beste, eta elkarretaratzeak, Bergaraz gain, Tolosan, Sestaon eta Basaurin ere egin dituzte.
Eneko Urkijo Esan sindikatuko idazkari nagusiaren esanetan, EAEn 8.000 ertzain egon beharko lirateke eta kopuru hori osatzeko 800 falta dira: "Ertzainen falta hori dela eta, EAEko bizilagunen eskaerari ezin diogu erantzun eta, gainera, horri delinkuentzia izugarri ugaritu dela gehitu behar diogu".
Urkijok salatu du Eusko Jaurlaritzak 2014an ezarri zuen polizia-ereduak herritarrekiko gertutasunaz hitz egiten duela baina eredu horrekin "kontrakoa" ari direla lortzen: "Lehen, komisariak genituen Arrasaten eta Oñatin, esaterako, eta orain, guztia Bergaran zentralizatu da, eta herritarrengandik urrundu."