Vaumm arkitektura enpresak diseinatutako proposamena da San Martin plaza berritzeko aukeratutakoa. Plazari aldaketa handirik egin barik berrantolaketa berria egin eta espazioak hobeto erabiltzea proposatu dute, plaza guztia altura berdinean izatea, alde zaharrarekin erabat ezkontzea, eta, plaza inguratuz herriko historiari buruzko aipamenak gehitzea.
San Martin Agirre plaza eraberritzeko proposamenak jendaurrean aztertu, eta, Bergarako eragile eta herritarrek hainbat ekarpen egin dituztela jakinarazi dute Udal ordezkariek. Elkartutakoek Vaumm arkitektura enpresak diseinatutako proposamena ontzat hartu dutela gaineratu dute.
Orohar herritarrek eta eragileek "ez dute gaur egungo plaza askorik aldatu nahi", eta bat egin dute "plazari bizitasun eta argitasun handiagoa ematearekin, autoen presentzia murriztearekin eta ondare gisa zaindu eta erabiltzearekin".
Jasotako ekarpenekin Vaumm enpresak proposamena borobilduko du, eta bukatutakoan jendaurrean erakutsiko dute.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak
