Korrikaren 21. edizioa ate-joka daukagula kontuan hartuta, Klika, emakumeok korrika egin zuten Bergaran eguen arratsaldean, Korrika batzordeak antolatuta. Izan be, bi emakume Lilatoiaren inguruan berbetan zeudela, kirola, berdintasuna eta euskararenn aldeko Korrika ekimena lotzeko modu polita izan zitekeela erabaki zuten, eta martxoaren 8aren bezperan, klika emakumeok korrika antolatzea. Korrika batzordean komentatu eta honen oniritzia jaso ostean, aurrera egitea erabaki zuten.
San Martin plazatik abiatu, eta 2 kilometroko ibilbidea egin zuten, herriko kalietan zehar: Bidekurutzeta, San Pedro kalea, Artekalea, Arruriaga, Masterreka, Bideberri, Fraiskozuri, Zurradero, palmerako biribilgunea, Ibargarai, Herri Lagunak, D.Irala, Irizar eta Barrenkaletik pasa ostean, San Martin plazan bukatu zuten korrikaldia.