Hamabi parte-hartzaile izan ditu Bergaran jokatu den gurpil aulkiko slalom probak. Kategoriaka, hauek izan dira irabazleak:
- WS1A kategorian: Aritz Bikuña bergararra
- WS1B kategorian: Miguel Angel Fernandez
- WS2 kategorian: Sergio Fernandez
- WS4 kategorian: Malen Urkiri
- WS5 kategorian: Ander Goenaga
Irabazleen artean irabazlea izango zena erabakitzeko beste proba bat ere egin dute, eta horretan, Ander Goenaga izan da garailea.
Taldekakoan, berriz, Kantadoka izenekoak irabazi du; Aritz Bikuña bergararra eta Kantabriako Albert Dallei eta Roman Dual izan dira talde horretako kide.
Taldekako sailkapenean bigarren gelditu direnak Ostadar taldekoak izan dira. Talde hori Gorka Uzkudunek, Malen Urkirik, Ane Asensiok eta Ander Goenagak osatu dute.
