Kopla Barik bertso eskolak antolatuta, Maialen Lujanbio, Jon Maia, Igor Elortza eta Unai Iturriaga bertsolariek saio "barregarria, serioa eta ezberdina" eskaini zuten atzo, egubakoitza, Kartzela zaharrean. Goi mailako bertsolari horiekin arrakasta bermatuta zegoen, eta alde horretatik ez zen sorpresarik izan.
Goraino bete zen Kartzela zaharra Lujanbio, Maia, Elortza eta Iturriaga ikusteko. Ibon Leibar Txinbo aritu zen gai-jartzaile lanetan, eta hainbat gai interesgarri proposatu zituen: gaztetxea bera, Venezuelaren gainean Iñaki Anasagasti eta Miguel Boseren ahotik jarri zituen bertsolariak kantuan, marrazki bizidunak, Pol-Pol, motxiladun umeak, Martxoaren 8a...
Antolatzaileak eta bertaratu ziren herritarrak oso gustura joan ziren bi ordu inguru iraun zuen saioaren ostean.
ETB1-eko Hitzetik Hortzera saioan eta bertsoa.eus-en ikusi ahalko da atzoko saio berezia.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak
