Antolatzaileek zehaztu dutenez, duela hiru urte hasitako bidea oso emankorra izan da: "Zeregin honek, herrian praktika artistikoan murgilduta dauden emakumeak kontaktuan jartzea, euren artean modu kolektiboan antolatzea eta euren ideia, iritzi, ardurak eta produkzioak erakusketa baten bitartez plazaratzea du helburu".
Nabarmendu dute gizonezkoek oraindik ere erakusketak antolatzeko erraztasun gehiago dituztela: "Oraindik orain emakumeak subjektu aktibo gisa, bere lana erakusketetan erakusteko gizonezkoek baino askoz ere aukera gutxiago ditu (%22); aldiz, obretan, bere irudia da protagonista, ez gizonezkoena".
Aroztegiko espazio guztia hartzera
Erakusketaren muntaia gaiarekin konkordantzian eta instalazio gisa planteatuko da, non obrak bata bestearekin erlazionatuko diren elkar eraginez. Espazio guztia okupatzen saiatuko gara, horma zein lurra.
Inaugurazio berezia
Emakumien biharra erakusketa martxoaren 7tik 24ra egongo da ikusgai. Inaugurazioa martxoaren 7an izango da, eguena, Aroztegi Aretoan (19:30). Irekiera egunean, erakusketaz gain, Bergarako antzerki taldekoek performance bat egingo dute eta ondoren lunch eta Turtukinak DJ-k jarritako musikaz gozatu ahalko da.