Martxanterek deituta, otsailaren 11n "hainbat emakume" elkartu ziren Irizarren, martxoaren 8ko greba feminista antolatzeko: "Kezka ugari argitzeaz gain, parte-hartze handiko saioa izan zen". Azken saioa otsailaren 25ean egingo dute, Irizarren (19:00). Zapatu honetarako, hilak 16, Etxeko langileentzako tailer informatiboa. Lan eskubideak izeneko hitzaldia antolatu dute, gaztetxean (18:00).
Egitarauaren gaineko informazio zehatzik ez dute eman oraindik udal-baimenen zain daudelako, baina denetariko ekintzak pentsatu dituzte: kalejira zaratatsua, kantu bazkaria, grebaren inguruko koreografia, mahai-ingurua, elkarretaratzea, manifestazioa... "Ekintza gehienak San Martin plazan egin nahi ditugun arren, auzoei ere indarra eman nahi diegu".
Gogora ekarri dute martxoaren 8ko greba deialdia egun osokoa izango dela, eta bi ekitaldi nagusi egongo direla, 12:00etan eta 19:00etan. "Datozen egunetan, herriko eragile, enpresa, erakunde edo eskoletan gaia lantzeko baliabideak banatuko ditugu, eta egunean bertan erabiltzeko zapi moreak salgai jarriko dira", gaineratu dute.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak
