Partiduaren lehenengo minutuetan sartu dute gola, Real Unionekoek bere atean, hortaz, hasiera-hasieratik izan dira aurretik bergararrak. Etxekoak nagusi izan dira lehen zatian eta atsedenaldia baino lehen bigarren gola iritsi da; Markel Ilzarbek sartu du.
Bigarren zatian kontrolpean izan dute jokoa Bergarakoek, eta erdialdera hirugarren gola egin du Oierrek. Hala, lasai bukatu dute partidua eta sentsazio onekin Aristi entrenatzaileak adierazi duenez: "Dinamika txarretik gentozen eta horri buelta eman beharra geneukan. Gainera, etxean kosta egin zaigu aurten, eta dagoeneko tokatzen zen halako partidu bat".