Otsailaren 25etik martxoaren 8ra arte emango dira Bergarako euskara lantzeko ikastaroak. Ikastaro hauen helburuak honakoak dira: batetik, guraso, zaintzaile, begirale, entrenatzaile, eta abarri euren hizkuntza-akatsak zuzentzen laguntzea eta bestetik, umeen akatsak zuzentzeko nagusiek erabil ditzaketen estrategia eta lagungarriak eskaintzea.
10 orduko ikastaroak izango dira eta otsailaren 25ean hasi eta martxoaren 8an amaituko dira. Parte hartu nahi dutenek 15 euro ordaindu beharko du. 16 urtetik gorako edozein herritarrek har dezake parte, baina aurrez izena eman behar da, otsailaren 11tik 15era bitartean. Izena ematen duten guztion artean taldeak osatuko dira eta bakoitzari dagokion eguna eta ordua adieraziko zaio. Ikastaroak Bergarako Udal Euskaltegian emango dira.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.