Aste Santu osterako Seminarixoan zinema eskaintzea espero du Udal Gobernuak

Seminarixoko harmailak, artxiboko argazki baten.

Udalak esleitu du zinema komertziala eskaintzeko horniketa eta instalakuntza jarriko duen enpresa: Bizkaiko Tecnica Cimematografica Loza da enpresa eta aurrekontua 93.600 euro (BEZ barne). Bi hilabete izango dituzte horniketa eta instalakuntza lana egiteko; zinemaren kudeaketa, egunak, ordutegia eta prezioa nola zehaztu aztertzeke dute oraindik. Asmoa da, atzerapenak atzerapen, maiatzean zinema martxan izatea.

Gobernuaren arabera, azpiegitura "punta-puntakoa" da: "Azpiegituraren barruan dago 6,5 x 4,87ko neurriak dituen propio egindako pantaila elektrikoa, Barco DP2K-10S Alchemy proiektorea, isiltasun kaxa eta audio kaxak –pantailak ere bozgorailuak izango ditu–, besteak beste. Sistema honek 3D ere proiektatu dezake eta ahalbideratzen du eduki digitalak batzen dituen Movietransit plataforma ere erabiltzea", adierazi dute ohar bidez.

Horrekin batera, gobernuak "oso argi" du zinema ekipoarekin eskaintza borobildu egingo dela: "Zinemaren eskaintzak erabat borobilduko du Seminarixoaren kultura programazio aberatsa; orain arte bezala, herriko elkarteek lehentasuna izango dute programazioan", gaineratu dute.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.