Bingen de Pedro margolari bergararraren Ihesaldi izeneko erakusketa inauguratu zuten atzo Donostiako KUR galerian. Hogei koadroz osatutako erakusketa da, horietako zenbait, paretetan beharrean lurrean daudenak. "Ihesaldia da erakusketaren ildo nagusia: bertan irudikatzen diren objektuak koadrotik ihes egin nahian dabiltza. Jolas optiko bat bezala da. Margolariak ikusten duen guztia mihisean sartu gura du; baina ere berean, ikusleak antzeman dezan, mihisetik ateratzea ere nahi du", azaltzen du de Pedrok erakusketa osatzen duten lanez.
"KUR galeria Gipuzkoako eta Euskal Herriko galeria garrantzitsuenetakoa da; ondorioz, jauzi garrantzitsu bat da nire obra erakusteko. Oihartzun handia duen galeria da", gaineratu du artistak. Inaugurazioan senideen eta gertuko lagun artisten berotasuna jaso zuen de Pedrok, han izan ziren-eta, besteak beste, Iñigo Arregi arrasatearra eta Fernando Arenaza bergararra.
Apirilaren 20ra arte egongo da zabalik Zurriola pasealekuaren 6. zenbakian dagoen galerian.