"Txapelketako lehen itzuliko azken lehia izango da", azaldu du Josetxo Muniategik. Hori horrela, Urnietaren aurkako lehia "oso garrantzitsua" izango dela nabarmendu du. Aurrean izango duten taldeari buruz, zera dio: "Urnieta laugarren sailkatuta dagoen taldea da, 13 punturekin, talde beteranoa da eta esperientziadun jokalariak ditu". Joan zen asteko partidua irabazi egin zuten mahoneroek: Zumaiaren aurka 21-27 nagusitu ziren.
Gainontzeko partiduak
Karteldegia: zapatuan, 13:00etan, infantilak; zapatuan, 15:30ean, gazte mailako mutilak; zapatuan, 17:00etan, gazte mailako neskak; domekan, 10:45ean, alebin mailako neskak; eta, domekan, 12:15ean, kadete mutilak.
