Gaur jarriko dira salgai 'Go!azen 5.0' ikuskizunerako sarrerak

Gaur jarriko dira salgai 'Go!azen 5.0' ikuskizunerako sarrerak
Go!azen-eko azken ikuskizuna Bergarako frontoian, 2017ko apirilean.

Otsailaren 2an eta 3an Bergarako Seminarixoan egingo diren Go!azen 5.0 ikuskizunaren lau emanaldietarako sarrerak gaur, hilak 10, jarriko dituzte salgai, 18:00etatik aurrera. Sarrerak internetez edo Seminarixoko txarteldegian erosi ahal izango dira. 

Emanaldiak otsailaren 2an, zapatua, 17:00etan eta 19:00etan; eta domekan, otsailak 3, 12:00etan eta 17:00etan izango dira. Photocall-a jarriko dute lehen emanaldian izan ezik beste guztietan; hortaz, zapatuko lehen saiora etortzen direnek aukera izango dute sarrera erakutsita bigarren saioaren ostean photocall-era joateko.