Bilduma osoa da Aroztegin dagoena. Teknika ezberdinak erabilita egindako lanak dira. "Artista bakoitzak bere estiloa dauka, eta hori oso agerikoa da egiten ditugun lanetan. Urtero ahalegintzen gara erakusketari ukitu berri bat ematen, baina ez da erraza izaten", esan du Olabarriak.
Maskarak, eskulturak, jaiotzak, Meninak, arrainak, lanparak... Tenperatu altuekin edo baxuekin egindako zeramika lanak dira guztiak. Plater berezi batzuk ere ikus daitezke. Raku delako sistemarekin egindakoak. "Ontziak egosteko, XVI. mendean Ekialde urrunean sortutako teknika da. Ekialde urrunean sortu zen XVI. mendean. Konbustio osoa ez da egiten egoste prozesuan. Hala, ezin da kontrolatu piezak edukiko duen kolorea", esan du Olabarriak.
Erakusketa ikustera doazenen artean, taldeko kide batek egindako pieza bat zozketatuko dute.