Amaña auzoko Asoliartza baserrian jaio zen 1918ko otsailaren 25ean, eta 18 urterekin egin zuen debuta esku pilota profesionalean, 1936an, Eibarko Astelena pilotalekuan.
Bergaran bi txapel jantzitakoa
Gerrak harrapatu eta etena egin behar izan zuen pilotari ibilbidean. Gerra ostean, 40ko hamarkadaren amaieran eta 50eko hasieran bizi izan zuen garairik oparoena. Buruz buruko hiru txapel irabazi zituen 1948 eta 1951 urteen artean; horietan lehenengoa, Atano III.aren aurka jokatuta (22-06) Bergaran. 1950eko eta 1951ko finalak, ostera, Akarregiri irabazi zizkion; azken hori ere Bergarako Udal pilotalekuan (22-14). 1953an ere iritsi zen finalera baina ez zuen jokatzerik gura izan epresarekin adostasunik ez zuelako lortu.
Gallastegik adierazi ohi zuen, Arrasateko Ezkerraren kontra jokatu zuela "inoizko partidarik onena", 1944an. Erretiroa 42 urterekin hartu zuen, Bergaran. Elur eguna zela eta hotz egiten zuela pilotalekuan kontatu zuen Ahotsak.eus atarirako egindako adierazpenetan.