Urtero bezalaxe, Udalak Erakusleiho Lehiaketa antolatu du eta guztira 20 merkataritza establezimenduk hartu dute parte, iaz baino 4 gutxiago. Parte hartzaileen artean herriko jantzi-dendak, dekorazio dendak, burdindegiak, loradendak, osagarriak saltzen dituzten dendak, ile-apaindegiak, optikak, oinetako eta kirol dendak edo estetika eta lurrindegiak, besteak beste.
Bedelkar Bergarako Merkatarien Elkarteko ordezkariek, Beart Bergarako Arte Elkarteko ordezkariek, Gipuzkoako Bazkundeko ordezkariek eta Udaleko ordezkariek osatu duten epaimahaiak Izeder eskulanak dendako erakusleihoak lehen saria eramatea erabaki du. Denda honek eskuratu du baita ere bozkatu duten 238 herritarren arteko boto gehien, eta beraz, herritarren saria ere irabazi du. Modu honetara, ziurtagiria eta 300 euro eskuratu ditu.
Bigarren sailkatu da Amparo ile-apaindegia eta hirugarren izan da Gorosti loradenda. Herritarren artean saria irabazi duena OLGA SAMPEDRO izan da eta 50€ jasoko ditu. Sari guztiak udal bonuetan banatuko dira, Bergarako komertzioetan gastatzeko.