Miriam Moñux biolinistak emango dio hasiera. Ignacio Arakistain pianista lagun duela Cecile Chaminaderen Romanza Appasionatta, Pablo Sarasateren Romanza Andaluza eta De Berioten Scene de Ballet joko ditu.
Bigarren zatian, Leire Ugarte pianistak garai askotariko piezak eskainiko ditu. Hasteko, Benjamin Britten konpositorearen Three Character Pieces for Piano obraren bigarren atala joko du. Jarraian, Ludwig van Beethovenen 5. Sonata (op. 10) eskainiko du, eta kontzertuari amaiera emateko Frederic Chopinen Fantasia Impromptu obra.