Bergarako Udal Pilotalekuan jokatutako gaurko kanporaketan, 4-18 irabazi dute bizkaitarrek lau t'erdikoa. Hiruna joan dira, baina Ander Etxaniz nekatu eta erraz irabazi dio aurkariak.
Buruz burukoa ere ez da ondo joan lehen zatian. Eneko Mugurutza 4-10 joan da atzetik, baina bigarren zatian hobeto ibili da. Sakea baztertzerik ez du lortu, eta airez lanak eman dizkio kontrarioak, baina piloteoan, indarrez, gehiago izan da Mugurutza. Azkenean, 18-14.
Binakakoa, bai, binakakoa ondo hasi da etxekoentzat. Zortzina berdinduta egon dira, hala ere, baina 21-14 aurreratu dira Murua eta Gartzia. Galdutako pilota batzuk ere tarteko, 21. kartoira iritsi dira galdakoztarrak ere, baina azken tantoa etxekoen aldera jausi da.