Irabazten hasi dira Elezkano II eta Rezusta (4-1), baina ondoren urdinek aurre hartu diete eta uneoro oso gertu ibili diren arren, 13na berdindu bai, baina ezin izan dira aurretik jarri. Hortik aurrera Irribarria eta Zabaleta aldea handituz joan dira eta azkenerako, zazpi tantoko aldea lortu dute (15-22). Elezkanok eta Rezustak, beraz, porrotarekin hasi dute txapelketa, eta lehen garaipena datorren astean lortu beharko dute, Ezkurdiaren eta Ladis Galarzaren aurka. Partidu hori, gainera, Bartzelonan jokatuko da.
