Izen-ematea zabalik
Barrenkaleko lokala gaur, bihar eta etzi egongo da zabalik, goizez 10:30etatik 13:30etara eta arratsaldez, berriz, 16:30etatik 19:30etara.
Hasiera ekitaldia, ostegunean
Euskaraldiaren lehenengo eguna azaroaren 23a da, baina Bergarako antolatzaileek azaroaren 22rako antolatu dute hasiera ekitaldia. Hala, arratsaldeko 19:00etan, herriko plazan, Belarriprest eta Ahobiziren jaitsiera izango da. Euskaraldian izena eman duten guztiei eskatzen zaie, ostegunean plazara gerturatzeko txapa hartuta baina jantzi barik. Ekitaldiaren ondoren, herriko kaleetan zehar kantujira izango da, herriko musikari, abesbatza talde, erraldoi eta abarrekin.