San Antonioko Gure Ametsa elkarteak Gabonetako postalen XIV. lehiaketa antolatu du, 3 eta 12 urte bitarteko umeentzat. Postal guztiak abenduaren 21ean entregatu beharko dira elkartean bertan, 19:00etatik 21:00etara bitartean. Hurrengo egunean, hilaren 22an, sariak banatuko dira San Antonioko plazatxoan, 12:30etatik aurrera.
Adinaren araberako hiru maila zehaztu dituzte: A maila (3-6 urte), B maila (7-9 urte) eta C maila (10-12 urte). Hala, maila bakoitzeko irabazleak trofeo bat jasoko du eta lehenengo seiri diplomak emango zaizkie.
Postalen neurria orri laurdenekoa izan behar da eta hobe da kartulinan entregatzea, noski irudia gabonei buruzkoa izan beharko da. Postal bakoitzaren atzealdean partaidearen izen-abizenak eta adina jarri beharko dira.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.