Zinema komertziala 2019ko lehen hiruhilekoan helduko da Seminarixora

Jokin Bereziartua Lizarazu 2018ko urr. 31a, 17:17

Udal Gobernuak aditzera eman duenez, zinema jarri ahal izateko aparatuen erosketa bi fasetan egingo da: lehena, horniketari dagokiona –pantailaren eta zinea proiektatzeko ordenagailuaren erosketa– orain egingo da; eta ondoren, zerbitzuaren kontratazioa, aurrerago egingo da. Lizitazio-epea azaroaren 14an amaituko da.

Gobernuak azaldu du Seminarixoa aretoaren horniketa zatika egin behar izan dela inbertsio handia izan delako: "Baina 2019ko lehen hiruhilekoan Seminarixo aretoak filmak proiektatzeko beharrezkoak dituen ekipamendu guztiak izango ditu eta zinema komertziala emango da Bergaran".

Prozedura irekia

Zinema aparatuaren erosketa prozedura ireki bidez egingo da, eta puntuazioa hala banatuko da: eskaintza ekonomikoa (55 puntu), bermeak (5 puntu), ekipamenduaren kalitatea (35 puntu) eta hobekuntzak (5 puntu).Lizitazioan parte hartzeko proposamenak udaletxeko erregistro orokorrean aurkeztu beharko dira azaroaren 14ko 13:00ak baino lehen.

 

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak