Organo Erromantikoaren Nazioarteko Zikloak berriz ere egin du geldialdia Bergaran

Ezkerrean, Pedro Miguel Aginaga biolinista; erdian, Loreto Aramendi organo jotzailea.

Organo Erromantikoaren Nazioarteko Zikloaren 19. edizioaren barruan, kontzertua izan zen atzo iluntzean Bergarako  Santa Marina parrokian. Organo doinuez gain, ahotsek eta biolinak ere izan zuten lekua.

Beste behin, Santa Marina parrokiak hartu zuen atzo Organo Erromantikoaren Nazioarteko Zikloaren baitako kontzertua. 19. aldia du aurten zikloak, eta atzokoa, Bergaran egitekoa zen bigarren eta azken kontzertua izan zen. 

Bertaratu zirenek Donostiako kontserbatorioan irakaslea den Loreto Aramendi organo-jotzaileak jotako piezekin gozatu ahal izan zuten; baina organoaz gain egon zen bestelako protagonistarik. Izan ere, Donostiako Orfeoiaren zuzendari den José Antonio Sainz Alfarok zuzentzen duen Arv-Vocem abesbatzak eta Pedro Miguel Aginaga biolinistak ere eskaini zuten emanaldia.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.