Mahaiaren bueltan elkartu ziren erretiratuen elkarteko 91 kide. Bapo bazkaldu ostean, oparien zozketa egin zuten. Guztira, 50 opari. "Erdiak opariarekin joan ziren. Guztiok pozik. Giro onean bukatu dugu Kultura Astea", esan du Jose Ramon Egurenek.
Egubakoitzean, Bergararen sorrerari buruzko hitzaldia egin zuen Jose Mari Larrañagak, eta han ere erretiratu asko batu zen. "Sorreraren zati bat bakarrik kontatu zigun. Beste, hurrengo baterako utzi dugu".
Antolatzaileak "oso pozik eta gustura" daude Kultura Astearen baita egindako hitzorduak izandako erantzunarekin. Hitzaldiak, antzerki emanaldiak, erakusketa, eta musika emanaldia egin dituzte, besteak beste.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.