Wolfram Goxoa lehen aldiz dastatzen

Bergararen 750.urteurreneko erakusketaren irekiera ekitaldia egin dute Labroratorium museoan eta Wolfram Goxoa lehen aldiz probatzeko aukera ere izan da. Bergarar ugari bildu dira ekitaldira eta oso harrera ona egin diote Wolfram Goxoari. Bertan izan da Elena Lete Bergarako alkatea eta baita proiektuan parte hartu duten herriko sukaldari eta gozogileak ere.

Wolframioa abiapuntu hartuta, Bergarako Udalak herriaren zientzia eta historia batzen dituen Wolfram Goxoa proiektua jarri zuen martxan eta urtebeteko prozesuaren ondoren gaur postre hau dastatzeko aukera izan da lehen aldiz. 

Bergarako Udalak hala eskatuta Basque Culinary Centerreko sukaldariek sortu dute postrea eta Bergarako hainbat gozogileri hau produzitzeko ikastaroak eman ondoren larunbatetik aurrera salgai izango da herriko puntu hauetan:

  • Bolintxo okindegiak
  • Ogiberri okindegiak
  • Larrañaga gozotegia
  • Lasa jatetxea
  • Zumelaga jatetxea

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.