Laboratoriumen, 750. urteurrenaren harira gertatutako erakusketaren irekiera ekitaldian izango dute herritarrek lehenengoz dastatzeko aukera. Ondoren, zapatutik aurrera, herriko hainbat okindegitan, gozotegitan eta jatetxetan gertatuko dute; hona hemen:
- Bolintxo okindegiak
- Ogiberri okindegiak
- Larrañaga gozotegia
- Lasa jatetxea
- Zumelaga jatetxea
Bergarako Errelleno ezagunen ezaugarriak hartu dira oinarri Wolfram goxoa gertatzeko; hala, txokolatez inguratuta dagoen gorringoz betetako bizkotxoa da osagai nagusia.
Herriko gozogile, okindegi eta jatetxe guztiak gonbidatuak izan zirela gertatze prozesura eta BCCko tailerrean parte hartzeko aukera izan zutela jakinarazi dute Udaletik.
