Wiesbadeneko 12 gazte etorri dira elkartrukean

Erasmus+ programaren bitartez, Wiesbadeneko (Alemania) 12 ikasle etorri dira Bergarara astebeteko egonaldia egitera. Ikasleak 15 eta 18 urte bitartekoak dira eta bi begiralerekin etorri dira. Gaur goizean Elena Lete, alkateak harrera ofiziala egin die. 

Egun hauetan Orioko eta Zarauzko aterpetxeetan hartuko dute ostatua, eta handik hainbat ekintza izango dituzte Bergaran eta Donostian. Bergaran, Candem Town-ekoekin dantza tailerra egingo dute, eta Beart elkartekoekin argiekin jolasteko tailerra. Horrez gain, Donostia ere ezagutuko dute eta Tabakaleran sorkuntza tailerra egingo dute. 

Wiesbadeneko gazteen etorrera elkartruke europear honen bigarren zatia da. Izan ere, irailaren 3tik 9ra Bergarako 12 gazte eta 2 monitore izan ziren Alemaniako hiri honetan.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.