Aurten ere Azkoitian, Azpeitian (Loiola) eta Bergaran izango dira emanaldiak. Eta, hain zuzen ere, zapatuan bertan Bergaran, Santa Marina parrokian, 19:00etan, emango zaio hasiera zikloari.
Urriak 6ko kontzertuan, Stanislav Surin organo jotzailea eta Helmut Hauskeller ogi-flauta jotzailea arituko dira. Eta urriaren 20an, honako hauek: Loreto Aramendi organo jotzailea, Arv-Vocem abesbatza eta Pedro Miguel Aginaga biolin jotzailea. Bi emanaldiak 19:00etan izango dira, Santa Marina parrokian, doan.
Bestalde, urriaren 28an, ziklo honen baitan, Azpeitiko Juan de Antxieta eta Bergarako Musika Eskolako organo ikasleek kontzertua egingo dute Loiolako basilikan (Azpeitia), 19:00etan.
Ziklo honen helburua da gure ondare diren organo erromantikoei balioa eman, horien balioa ezagutzera eman eta musika esparru zabal eta interesgarri honi lekua egitea.