Goyeneche Fundazioak adimen urritasuna duten helduei zuzendutako Garagunea zabalduko du

Goyeneche Fundazioak adimen urritasuna duten helduei eguneko zerbitzua emateko Garagunea izango du Bergaran 2019an, Udalak erraztuta eta Gipuzkoako Foru Aldundiak eskainitako laguntzari esker. Mintegi kaleko 5.zenbakian kokatuko da, Gipuzkoako Foru Aldundiak bertan duen etxabe batean eta lanak dagoeneko hasita daude.

Garaguneak 280 metro koadroko topagune bat izango du eta egunerokotasuneko hainbat ekintza burutuko dituzte. Astelehenetik ostiralera egongo da zabalik 09:30etik 17:00etara bitartean eta bi profesionalek egingo dute lan. 

Gipuzkoako Foru Aldundiarekin lankidetzan, Goyeneche Fundazioak adimen urritasuna duten 260 heldu artatzen ditu, Gipuzkoan eta Bergarakoa fundazioak zabaldutako 15. egoitza izango da. Goyeneche Fundazioak, beste Garagune bat du Arrasaten, bertako erabiltzaileen erdia Bergara eta Oñatikoak direlarik.

Itxaron zerrenda dago, beraz, Bergaran Garagunea zabaltzea garrantzitsutzat jotzen dute Udalak eta Fundazioak. Izena emateko ohiko prozedura egin beharko da Udaleko Ongizate Sailaren eta Gipuzkoako Foru Aldundiaren bitartez, alegia.

 

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.