Atzerapenaren ostean, martxan dira Zubietako zubiko lanak

Elena Lete alkatea obren arduradunekin Zubietako zubian, asteon.

Eguaztenean hasi ziren Zubietako zubia birgaitu eta balioan jartzeko lanak. Atzerapen nabaria izan dute, lanak esleituta zituen enpresak, lan karga handia zuela-eta ezin lanak hasi zebilela, azkenean, kontratua eten zuelako. Lanak otsail eta martxo artean hastea aurreikusten zen.

Kontratu etetearen ondorioz, berriro egin zen esleipen-deialdia, eta Goitu Eraikuntzak enpresa izango da arduraduna. Lanek 313.864,20 euroko aurrekontua dute (BEZa barne) eta lau hilabete inguruko iraupena izatea aurreikusten du Udalak.

Lanek bi helburu nagusi dituzte

Batetik, mugikortasuna eta irisgarritasuna erraztu nahi da eta, bestetik, ondare den zubia hobetzea. Hainbat lan egingo dira: zubia birgaitu, fibrozementuko hoditeria kendu eta berriarekin ordezkatu, baranda egokiak jarri, argiteria berria ezarri –barandetan–, irisgarritasuna bermatu, Zubieta kalerantz espaloitxo bat sortu eta zubiko altxaderak garbitu. Lanek iraun artean, oinezkoendako itxita egongo da zubia, eta ondoko errepidean ere eragingo du.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.