Haurren danborradak Pello Garitano omendu du

40 urtetan antolaketa lanetan jardun izanagatik "ezusteko" oparia jaso du. Danborrada bukatu denean, udaletxeko balkoian, udal makila jaso du Elena Lete alkatearen eskutik, eta San Martin martxa zuzendu du.

Emaztearen, seme-alaben eta biloben konpainiarekin jaso du herritarren omenaldi beroa. Hunkitu egin da, negar malkoak irten arte. "Urte asko dira bai, baina, gustura egiten dudan boluntario lana da. San Martinak eta bi danborradak sakratuak dira niretzat. Ezinbestekoak", esan du.

Aurtengo biak "bikainak" izan direla azpimarratu du. "Umeak oso ondo portatu dira, eta helduen danborradarako, konpainia berriak egongo dira hurrengo urtean".

Debagoieneko albiste garrantzitsuak edo azken ordukoak telefonoan jaso gura dituzu?

  • Bidali ALTA 688 69 00 07 zenbakira Whatsapp bidez.
  • Batu zaitez Telegrameko @GoienaAlbisteak kanalera.